Седумдесет години владеење отидоа во неврат: Партијата на Асад ја прекина работата, парите се префрлаат на новата влада

Откако Башар ал Асад официјално ја напушти Сирија и откако бунтовниците го презедоа раководството на земјата, се чини дека во историјата заминува и партијата Баат на Асад, односно Арапската социјалистичка партија.

Во соопштението за печатот издадено од помошникот генерален секретар на партијата, Ибрахим Ал Хадид, се бара целосно суспендирање на работата на партијата.

„Суспендирање на партиската работа и активности во сите облици и форми до понатамошно известување. Неопходно е да се заврши евакуацијата на сите другари, целосно или делумно. Вратете ги сите „позајмени“ и распоредени другари во персоналот на нивните првични министерства, институции и ресори и да се стават на располагање на субјектите во кои првично биле вработени“, беше соопштено.

Дел од огласот се однесува и на имотот на партијата.

Сите механизми, возила и оружје што ги имаа соборците предадете ги во Министерството за внатрешни работи или во најблиската полициска единица и направете службена белешка“, велат оттаму.

Исто така, партијата ќе ги проследи сите пари на сметката до Централната банка на Сирија.

„Сите партиски средства и пари ќе бидат ставени под надзор на Министерството за финансии и Министерството за правда, а средствата ќе бидат депонирани во Централната банка на Сирија за да ги исплати сегашната влада во согласност со законот“, објави помошникот секретар.

На крајот од огласот помошникот секретар рече дека имотот на приватниот универзитет се става под надзор на новата влада.

„Приватниот универзитет „Ал Шам“ е ставен под надзор на Министерството за високо образование од научни, академски, наставни и административни аспекти, вклучително и оние кои работат на универзитетот. Оваа изјава е проследена до сите другари на сите партиски нивоа“,  се заклучува во соопштението.

Сириската фракција Баат владееше со Сирија во два наврати. Првиот пат беше до 1966 година и државниот удар во кој армијата ја презеде власта, а потоа се врати на власт во 1970 година. Оттогаш, семејството Асад ја предводеше партијата, првично Хафе Ал-Асад, а од 2000 до 2024 година неговиот син Башар.