Рама: Албанија од денеска дел од единствениот европски платен систем-голем чекор на патот кон ЕУ

Премиерот Еди Рама попладнево преку социјалната мрежа Х објави дека  Албанија денеска станала дел од единствениот европски платен систем.

После ова, додава, сите албански дознаки од Европа во Албанија или обратно веќе “нема да имаат финансиски трошоци односно за нив нема да се плаќа провизија, почнувајќи од 1 јануари следната година”.
-Уште еден голем чекор на патот на Албанија кон Европската Унија во 2030 година. Денеска Албанија стана дел од единствениот европски платен систем, што значи дека сите трансфери на пари на Албанците од Европа во Албанија или обратно, веќе нема да имаат финансиски трошоци почнувајќи од 1 јануари 2025 година, напиша Рама.

Посочува дека албанските граѓани ќе заштедат милиони и милиони евра што до сега ги плаќале за дознаките “благодарение на зголемувањето на довербата во Албанија и натамошниот пристап на Албанија кон членството во ЕУ.