Protokolli për anëtarësim në NATO i Maqedonisë më 19 Janar

Qeveria e Maqedonisë nëpërmjet një kumtese të publikuar, zbardh hapat që duhet ti ndërmarrë vendi në rrugëtimin drejt anëtarësimit të plotë në NATO.

Ajo duhet të deklarojë përkushtim dhe gatishmëri se do t’i përmbushë standardet politike të NATO-së , çështjet e mbrojtjes dhe ushtrisë, se do të ndajë mjete për zbatimin e të gjitha obligimeve, dhe se do të marrë pjesë në strukturat e Aleancës, thuhet në kumtesën që dërgoi qeveria, përcjell Klan Kosova.

Sipas zhurnal.mk në kumtesën e qeverisë ndër të tjera theksohet se përmes Marrëveshjes mes Maqedonisë dhe Greqisë vendi bën hapin kryesor për anëtarësim në NATO. Ashtu sikurse në dokumentin që publikoi një ditë më parë, Qeveria konfirmon se duhet të ndërmarrë një sërë reformash edhe atë:

Në sundimin e ligjit, pavarësinë e gjyqësorit, luftën kundër korrupsionit dhe krimit të organizuar, reformat në shërnimet e sigurisë dhe zbulimit, zbatim i plotë i Marrëveshjes së Ohrit, zbatim i plotë i marrëveshjes me Greqinë.

Ndërkaq në dokumentin që publikoi Alsat ndër kushtet që duhet përmbushur në fushën e mbrojtjes dhe ushtrisë përmeden:

Të sigurohet se nuk ekzistojnë kufizime ligjore apo kushtetuese që mund të pengojnë operacionet kolektive të mbrojtjes, të rishqyrtohen procedurat e brendshme për dërgimin e forcave ushtarake jashtë shtetit.
Të sigurohet se të gjitha qëllimet strategjike për zhvillimin, transformimin dhe funksionalizimin e sistemit kombëtar të mbrojtjes dhe aftësitë janë në pajtueshmëri me anëtarësimin e ardhshëm në NATO.
Të fillojë zbatimi i planeve për ristrukturimin dhe modernizimin e forcave ushtarake në mënyrë që të arrihen kapacitetet ushtarake të planifikuara dhe zhvillimin e forcave më të afta, të disponueshme dhe qëndrueshme për të kontribuar në misionet e Aleancës.
Niveli i shpenzimeve në mbrojtje të jetë i qëndrueshëm dhe i mjaftueshëm për ristrukturimin dhe modernizimin e forcave ushtarake, në mënyrë që Aleancës ti ofrojë kontribut efikas etj.
Qeveria gjithashtu bën të ditur se në janar të vitit të ardhshëm do të firmoset protokolli për anëtarsim në NATO dhe vendi do të marrë pjesë në strukturat e NATO-s por pa të drejtë vote, pas çka do të fillojë edhe procesi i ratifikimit të paralemtntet e shteteve anëtare. Megjithatë qeveria nuk zbardh se kush do ta përbëjë Këshillin Koordinues në nivel ministror i cili duhet të koordinojë zbatimin e reformave dhe detyrimeve të parashtruara nga NATO.

Nënshkrimi i protokollit për anëtarësim, nënshkruhet më 19 janar, sipas kumtesës së Qeverisë.