Протип на патики „Луј Витон“ дизајнирани од Вирџил Аблох на добротворна аукција

Англија– Сотби ќе понуди на аукција прототип на патики Луј Витон дизајнирани и потпишани од уметничкиот директор Вирџил Аблох за да собере средства за Глобалниот фонд за борба против сидата и влијанието на Ковид-19.

Како дел од континуираната соработка со Ред, непрофитната организација основана од Боно и Боби Шривер во 2006 година, Витон го донира единствениот пар I (Red) Trainer кој се очекува да достигне цена за време на аукцијата само на Интернет, помеѓу 30 000 и 40 000 УСД.

Наддавањето на прототипот, во стандардна машка големина 9 во  Велика Британија, се отвора од понеделник до 4 март. Патиките ќе може да се видат со закажување во галериите на Сотби во Њујорк во овој период.

Зголемувајќи ја вредноста на патиките, страничната решетка на овој пар е црвена, подоцна е прилагодена на бела за вистинското производство на патиките, кои се појавија во продажба на 1 декември, по повод Светскиот ден на сидата. Целосните приходи од аукцијата на Сотби ќе бидат донирани на Глобалниот фонд.

-Како дизајнер, јас сум навистина горд што ја користам креативноста и дизајнот за да поттикнам позитивни промени “, рече Аблох во изјавата.

„Вирџил Аблох е еден од најнапредните и најиновативните уметници кои работат денес и тој трајно го трансформира пејзажот на дизајнот и уличната облека“, рече Брахм Вахтер, директор за развој на е-трговија во Сотби. „Ние сме исклучително возбудени да го претставиме овој специјален прототип за LV Trainer , потпишан од самиот Вирџил, особено за ваква важна цел“.

Сотби постави светски рекорд на аукција за кој било пар патики минатата година со продажба на Nike Air Jordan 1 со автограм на Мајкл Џордан од 1985 година за 560 000 американски долари. Во текот на партнерството со Ред од 2008 година, аукциската куќа собра речиси 80 ​​милиони американски долари за борбата против сидата.(WWD)