Принцот Хари ќе се обрати во ОН за наследството на Нелсон Мандела

САД- Меган Маркл и принцот Хари беа насмеани додека пристигнаа рака под рака на Генералното собрание на ОН во Њујорк во понеделникот.

Војводата од Сасекс се очекува да одржи говор за наследството на Нелсон Мандела и да зборува со делегатите за климатските промени и сиромаштијата. Тој ќе биде и главен говорник на настанот на Обединетите нации.

Меган носеше црн фустан со соодветни штикли, а косата и беше фатена во опавче. Принцот Хари изгледаше нежно во темносино одело и соодветна вратоврска.

Во петокот, портпаролката на Генералното собрание Паулина Кубијак ја објави програмата за Меѓународниот ден на Нелсон Мандела, 18 јули, неговиот роденден.

Мисијата на Јужна Африка во ОН рече дека говорот на принцот Хари „ќе биде околу спомените и наследството на Мандела и она што е научено од неговата борба и неговиот живот што може да помогне да се соочиме со новите предизвици во светот денес“.

На настанот, Наградата Нелсон Мендела на ОН ќе им биде доделена на Маријана В. Вардинојанис од Грција и д-р Морисанда Кујате од Гвинеја.