Потопениот брод „Москва“ беше изграден во Украина

Според веб-страницата на руското Министерство за одбрана, ракетниот крстосувач „Москва“, кој потона вчера во немирното Црно Море, биеше пуштен в море во 1976 година во бродоградилиштето во украинскиот град Миколаев и првично бил наречен „Слава“. Седум години подоцна, бродот беше вклучен во флотата. Тој стана водечки брод на советскиот проект за ракетни крстосувачи, чија главна задача беше да ги нападне непријателските површински бродови користејќи противбродски ракети.

Во 1990-тите, во процесот на поделба на Црноморската флота меѓу Русија и Украина, Русија го доби бродот. Киев доби недовршен крстосувач од иста класа „Украина“, кој сè уште е во залихите на бродоградилиштето во Миколаев и веројатно бил под оган на руската артилерија во март 2022 година.

По префрлањето во Црноморската флота на Русија, „Москва“ беше подложена на модернизација двапати (последната беше завршена во 2020 година; тогаш војската објави дека ажурираниот крстосувач ќе може да служи до 2040 година). По модернизацијата, главното вооружување на „Москва“ се 16 лансери на противбродски ракети „Вулкан“.

Во 1989 година, екипажот на крстосувачот го придружуваше состанокот на лидерите на СССР и САД, Михаил Горбачов и Џорџ Буш на Малта. Во 1999 година, веќе под името „Москва“, крстосувачот беше испратен во главната база на Црноморската флота – во Севастопол.

Бродот беше неколку пати посетуван од рускиот претседател Владимир Путин, заедно со лидерите на други земји. Така, во 2000 и 2001 година, за време на посетите на Севастопол, Путин се качи на крстосувач со украинскиот претседател Леонид Кучма.

Во 2008 година, „Москва“ учествуваше во вооружениот конфликт во Јужна Осетија; во 2015-2016 година, крстосувачот изврши воздушна одбрана од морскиот правец на руската воздухопловна база Хмеимим во Сирија.

Потопувањето на „Москва“ е најголемо на еден брод откако аргентинскиот крстосувач „Генерал Белграно“ беше торпедиран и потопен на 2 мај 1982 година, јужно од Фолкландските острови во британско-аргентинскиот конфликт од страна на британската нуклеарна подморница „Конкерер “, при што загинаа 323 луѓе.

Руските власти велат дека сите 510 членови на екипажот на крстосувачот Москва биле евакуирани од крстосувачот, што би укажало дека бродот е напуштен во релативно контролирани услови Но според други извештаи само педестина морнари се спасиле и нив ги презел турски брод.

Ракетниот крстосувач „Москва“ од класата „Слава“беше трет по големина брод во активната руска флота и еден од нејзините најтешко бранети, изјави за Би-Би-Си поморскиот експерт Џонатан Бентам од Меѓународниот институт за стратешки студии.

Крстосувачот бил опремен со трислоен систем за противвоздушна одбрана кој, доколку правилно функционирал, требало да му даде три можности за одбрана од ракетните напади на „Нептун“.

Покрај ракетната одбрана со среден и краток дострел, одбраната вклучуваше шест системи за противвоздушни топови контролирани од радар со голема брзина како последно средство за ракетна одбрана.

„Системот може да испука 5.000 куршуми во минута, всушност создавајќи ѕид од топовски зрна околу крстосувачот, неговата последна линија на одбрана“, изјави Бентам за Би-Би-Си. Ако се докаже дека ударот дошол од проектил, тоа „покренува прашања за способноста да се модернизира руската површинска флота“, додаде тој.