Погледнете како Сиријците ја дочекаа Новата година. „Вака изгледа слободата“ (видео)

01/01/2025 14:14

Сириските градови го одбележаа почетокот на новата година со огромни прослави во услови на засилени безбедносни мерки, само неколку недели по соборувањето на поранешниот владетел Башар ал Асад. Во главниот град Дамаск, толпи се собраа на централниот плоштад Омајад за да бидат сведоци на огромен огномет.

Плоштадот вриеше од толпи луѓе кои вееја знамиња на „револуцијата“ додека Сирија ја воведува новата година со надеж по 13 години граѓанска војна. Истрели се слушале од планината Касиун, која гледа на главниот град, каде стотици луѓе го гледале огнометот, јави репортер на АФП од плоштадот. Тоа беше првата новогодишна прослава без семејството Асад на власт по повеќе од 50 години, по падот на Башар ал Асад во декември.

„Овогодинешната новогодишна прослава има посебно значење. За прв пат во Сирија славиме без присуство на режимот на Ал Асад“, изјави Хала Ибрахим за ДПА. Ибрахим, кој има четириесет години, додаде: „Живеев четири децении во страв под власта на (Ал Асад), татко и син. Сега сакам моите деца да живеат во слобода, безбедност и достоинство“.

Низ градовите како Хомс, Алепо, Дара и Сувајда, улиците и плоштадите беа украсени со светла и бои за да го одбележат овој повод, пренесе Хина.

Во главниот град беа распоредени засилени безбедносни сили, а Министерството за внатрешни работи предупреди на пукотници и најави казни за прекршителите. „Оваа нова година е историска за слободните Сиријци насекаде“, рече Базел Ајуб, жител на Дамаск. „Конечно почнуваме да ја вкусуваме слободата што ни беше украдена од семејството Ал Асад и нивниот режим со децении“, додаде тој.

Падот на Асад стави крај на повеќе од половина век од неспорното владеење на неговото семејство над Сирија, каде што несогласувањето беше задушено и ограничени јавните слободи. Повеќе од половина милион луѓе загинаа во 13-годишната граѓанска војна, бидејќи земјата беше поделена на различни региони под контрола на различни завојувани страни.

Многу семејства сè уште чекаат вести за најблиските кои исчезнаа за време на владеењето на Асад, при што исчезнаа десетици илјади затвореници.

„Се надевам дека Сирија во 2025 година ќе биде плуралистичка, за сите, без исклучок“, рече Хаван Мохамад, курдски студент од североистокот кој студира фармација во главниот град.

Поврзани содржини

Приднестровје остана без руски гас среде зима, но не сака гас од ЕУ
Словачка ќе продолжи да испорачува струја во Украина и покрај спорот за гасот
Зеленски најави план без преседан во историјата на војувањето. Се остварува и ја менува војната
Долги редици на германските аеродроми поради пад на системите за гранична контрола
Заврши заложничката криза во француски затвор; сторителот се предал на полицијата
Фон дер Лајен се разболе од тешка форма на пневмонија- ги откажа патувањата
Москва исклучува можност Германија да добие постојано место во Советот за безбедност на ОН
Кинески амбасадор во Русија: Повторното обединување на Кина со Тајван е поблиску од кога било