Почина Рафаела Кара, легендарна италијанска пејачка и ТВ-ѕвезда

Во 1984 година, неделникот „L’Espresso“ ја опиша Кара како личност која добила повеќе аплаузи од претседателот Пертини, поскапа од фудбалерот Мишел Платини и почудесна од современиот светец Падре Пио.

Италија– Рафаела Кара, една од најголемите ѕвезди на италијанскиот шоубизнис почина на 78 години по тешка болест со која подолго време се бореше.

Рафаела Кара беше пејачка, танчарка, актерка и водителка. 

-Беше кралица на италијанската ТВ и веројатно ќе биде уште долго. Беше обожавана од генерации Италијани, пренесуваат медиумите.

Освен во Италија беше популарна и во Шпанија, а во ноември „Гардијан“ и посвети голем текст за нејзината исклучителна кариера.

Меѓу нејзините најпознати нумери се  „Tuca tuca“  и „A far l’amre comincia tu“.

Кара глумеше во десетици филмови помеѓу 1960 и 1970 година, вклучувајќи го и „Von Ryan’s Express“ од 1965 година со Френк Синатра.

Истата година, Рафаела глумеше во музичката комедија „Scaramouche“. Во 1960-тите години, таа се појави во телевизиски емисии како „Tempo di Danza“, „Il Paroliere“ и „Questo Sconosciuto“.

Во 1971 година, таа постигна уште еден успех во ТВ-шоуто „Canzonissima“, изведувајќи ја тематската песна „Chissà se Va“.

Од средината на 70-тите години, Кара беше популарна тв-водителка на разни емисии во Италија како „Ma Che Sera“, „Fantastico 3“, „Pronto… Raffaella?“, „Domenica In“, „Weekend con Raffaella Carrà.

Во 1984 година, неделникот „L’Espresso“ ја опиша Кара како личност која добила повеќе аплаузи од претседателот Пертини, поскапа од фудбалерот Мишел Платини и почудесна од современиот светец Падре Пио.

Во 2013 година, Рафаела Кара се врати на малите екрани како ментор на шоуто за таленти „The Voice of Italy“, а истата година беше објавен нејзиниот последен албум „Replay“.