По магистратурата Тошковски запиша и докторат на тема од ресорот

25/12/2025 16:08
Панче Тошковски (Фото: Б. Грданоски)
Министерите Панче Тошковски и Игор Филков и директорот на АНБ, Бојан Христовски, напредуваа(т) во академските звања на теми од ресори од функциите што ги вршат. И додека експертите го отвораат прашањето на етиката за академски напредок, функционерите не гледаат никаква правна, ниту етичка дилема, пишува Радио Слободна Европа. Откако во октомври ја одбрани магистерската ,  сега оди напред, запишал докторски студии на истиот Факултет за безбедност. 
 
Министерот за внатрешни работи Панче Тошковски за РСЕ изјавил дека одлуката за запишување на докторски студии е дел од неговата лична определба за професионална и научна надградба во областа на безбедноста, како продолжение на магистратурата поврзана со „Безбеден град“.
 
На 1 октомври  Тошкоски како министер присуствуваше на свечениот прв академски час на Факултетот за безбедност–Скопје, при што одржа и поздравен говор пред новата генерација студенти.. На 22 декември, факултетот објави дека Панче Тошковски е треторангиран на конечната листа на дополнителниот конкурс за запишување на студенти на докторски студии.
 
Министерот се стекна со титулата магистер на науки после цели 20 години откако ги запишал магистерските студии на Правниот факултет. Првиот човек на полицијата влегува во академската сфера на Факултетот за безбедност, откако пред една година медиумите објавија дека неговиот баџанак Стевчо Јолакоски е избран за доцент на истиот факултет.

 

Тошковски ќе му биде и колега од факултет на Бојан Христовски, директор на Агенцијата за национална безбедност (АНБ), кој пред него запиша докторски студии.И двајцата ќе слушаат предавања во шест семестри и ќе треба објават научни трудови со импакт фактор и на крај докторски труд во областа на безбедноста. Според документ обајвен од Факултетот, и Христовски го фатил третиот уписен рок на објавениот конкурс на студенти на третиот циклус студии на Факултетот за безбедност 2025/2026 година.

Пред нив, со титула магистер од областа на правосудството се „закити“ и министерот кој раководи со ресорот правда, Игор Филков. Неговата теза „Креирање стратегии во сферата на правосудството како надлежност на Министерството за правда“ ја одбрани на 12 септември, стои на официјалниот сајт на Универзитетот „Св. Кирил и Методиј“.

И Филков негираше каков било конфликт на интереси за изработка на магистерски труд од областа во која министерува, велејќи дека во македонското законодавство не постои категорија „конфликтна“ или „неконфликтна“ тема за магистерска работа. Тој не одговори на прашањето на РСЕ дали планира да го продолжи академското образование.

За Слаѓана Тасева од „Транспаренси интернешнл“ е оправдано да се истражува етичката исправност на функционерите да пријавуваат магистратури и докторати онаку каде што имаат реално влијание.

Поврзани содржини

Се реконструира и доградува мостот на Маркова Река во општина Аеродром
Може ли следната година да биде најтопла досега? Сè укажува на супер Ел Нињо
Уште шест компании за одгледување канабис останаа без лиценци
Читањето и учењето нè обликуваат – улогата на наставниците останува клучна
Пречистителната станица во Кучевишка Бара ќе опслужува околу 3.000 жители
Општина Центар започна со пролетна дератизација, се третираат 2.000 шахти против глодари
Три дена ќе се чисти влезниот булевар „Александар Македонски“
Со лет од Дубаи денеска евакуирани 150 патници, од кои 125 македонски државјани, утре лет од Ријад

Најчитани