Питер Вернер, оскаровец и режисер на „Случајни партнери“, почина на 76 години

САД- На 76-годишна возраст почина режисерот Питер Вернер, добитник на наградата Оскар, и познат по неговите успешни ТВ-серии, објави „Холивуд рипортер“.

Вернер бил пренесен во болница по руптура на аортата, и починал како последица на срцеви компликации.

Режисерот е роден во Њујорк, додека додипломските и постдипломските студии ги завршил во областа на документарната продукција. Тој во 1971 година го сними својот прв филм именуван како „Hidden and Seeking“.

Со краткометражниот филм „In the Region of Ice“, Вернер во 1976 година ја доби наградата Оскар во категоријата „Најдобар краткометражен филм“, додека 4 пати беше номиниран за наградите Еми.

Вернер беше познат по своите ТВ-серии, како „Proof“, „Ghost Whisperer“, „Мedium; Justified; Elementary; UnREAL; Blue Bloods, Grimm„Bull“, „Grimm“, „Outsiders“ и „Ice“, а пред сè по серискиот филм „Moonlighting“ во кој глумеа Сибил Шепард и  Брус Вилис.

Тој исто така сними бројни играни филмови, како „LBJ: The Early Years“, чија тема е животот на 36. американски претседател Линдон Бејнс Џонсон.