Паника во германско основно училиште: Учениците имале тешкотии со дишењето, очите горат…

Дури 17 деца се повредени во германско основно училиште, а Итните служби ги однесоа во болница.

Алармот се вклучи околу 12:25 часот во четврток во основно училиште во Минхен. Децата и наставниците одеднаш почнаа да имаат проблеми со дишењето.

Инцидентот се случил во основното училиште Франц-Нисл-Штрасе, кое услужува деца од 5 до 10 одделение, во округот Алах во северозападен Минхен. Пожарникарите брзо пристигнале на местото на настанот и откриле дека причината за проблемот е „истекување на иритирачки гас“. Сè уште не е јасно кој го испрскал солзавецот, објавува Билд.

Последиците за учениците и наставниците беа драматични. 17 ученици беа повредени, од кои осум сериозно. Според портпаролот на противпожарната служба, повеќето претрпеле иритација на очите и респираторни проблеми. Сите деца кои покажале симптоми морале да бидат однесени во болница од страна на итни служби. Уште 26 ученици и наставници имале помали проблеми.

Целата зграда беше евакуирана, а откако беа претресени просториите, на учениците им беше дозволено да се вратат внатре. Полицијата сега истражува кој го испрскал солзавецот.