Опозицијата ја зголемува предноста во анкетите пред изборите во Унгарија

Опозициската партија Тиса на Петер Маѓар доби два процентни поени повеќе меѓу вкупното население, според анкета спроведена од агенцијата „Медиан“ на почетокот на јануари, објавува унгарскиот медиум „ХВГ360“.

На прашањето за која партија би гласале испитаниците доколку има парламентарни избори во блиска иднина, 40 проценти од вкупното население на Унгарија одговориле дека би гласале за Тиса, додека 33 проценти рекле дека би гласале за владејачката Фидес на премиерот Виктор Орбан, 4 проценти рекле дека би гласале за десните екстремисти Наша татковина, 2 проценти рекле дека би гласале за Кучешката партија, а Демократската коалиција добила само 1 процент, додека 19 проценти не се изјасниле за никого.

Меѓу оние кои знаат кого ќе изберат, 51 проценти би гласале за Партијата Тиса, а 39 за Фидес. Ова значи дека партијата Тиса добила еден процентен поен во оваа категорија во споредба со последното средно мерење во ноември, додека Фидес паднала за еден.

Во средата беа објавени и резултатите од анкетата на агенцијата „Идеа“: според нив, Тиса води пред Фидес за 10 процентни поени кај определените гласачи.