„Одисеј“ слета на Месечината – првпат по 50 години

Компанија со седиште во Хјустон успешно го спушти првото американско вселенско летало во последните 50 години на Месечината, како дел од напорите на НАСА да го отвори патот за комерцијалните вселенски летала да ги вратат астронаутите на сателитот на Земјата до крајот на деценијата. Планот беше Intuitive Machines полека да го приземји својот хексагонален слетувач „Одисеј“ во близина на јужниот пол на Месечината.

Слетувањето на Одисеј беше одложено за два часа поради проблеми со системот за навигација. Предвидениот инструмент не работеше правилно. Сепак, леталото се потпираше на експериментална технологија на навигацискиот Доплер Лидар на НАСА.

Контролорите на летот требаше да го потврдат слетувањето околу 15 секунди откако се случи, но се чекаше десет минути.

„„Одисеј“ успешно слета на површината на Месечината“, објави директорот на мисијата Тим Крејн.

После тоа имаше аплауз во контролната соба.

Your order was delivered… to the Moon! 📦@Int_Machines' uncrewed lunar lander landed at 6:23pm ET (2323 UTC), bringing NASA science to the Moon's surface. These instruments will prepare us for future human exploration of the Moon under #Artemis. pic.twitter.com/sS0poiWxrU

— NASA (@NASA) February 22, 2024

Не е позната состојбата на леталото
Состојбата на лендерот „Одисеј“ се уште е непозната поради слабиот радио сигнал од леталото. Сепак, тоа е голем момент бидејќи Соединетите Држави го постигнаа своето прво слетување на Месечината по повеќе од 50 години.

Директорот на мисијата Тим Крејн претходно рече: „Ние сме на површината и пренесуваме“.

Шефот на НАСА: Се враќаме на Месечината
Шефот на НАСА, Бил Нелсон, ја нарече мисијата „триумф“ и „џиновски скок за целото човештво“.

„Денес, за прв пат по повеќе од половина век, Соединетите Држави се вратија на Месечината. За прв пат во историјата на човештвото, американска компанија водеше патување до таму“, изјави тој.

„Денес е ден кој ја демонстрира силата и перспективата на комерцијалните партнерства на НАСА. Честитки до сите вклучени во оваа голема и смела потрага во Intuitive Machines, SpaceX и токму тука во НАСА. Каков триумф – „Одисеј“ ја зароби Месечината. Овој подвиг е голем чекор напред за целото човештво. Следете нѐ“, додаде тој.

Уметничко дело во вселенско летало
Во вселенскиот брод „Одисеј“ се наоѓа уметничко дело на Џеф Кунс, американски уметник најпознат по неговите огромни скулптури од секојдневни предмети.

Делото на Кунс, „Промените на Месечината“ е уметничко дело кое содржи колекција од 125 лунарни скулптури кои ќе бидат прикажани на површината на Месечината.