Од утре во Холандија и вакцинираните од Македонија ќе одат во карантин по влегување во земјата

Холандската амбасада објави дека од утре се менува режимот за влегување во земјата за тие што доаѓаат од земјите што се окарактеризирани со висок ризик  и со многу ризик. 

Во таа група е ставена и Северна Македонија, покрај  САД, Израел, Косово и Црна Гора. Патниците од овие земји можат да влезат во Холандија само ако се целосно вакцинирани или спаѓаат во една од категориите за ослободување од забраната за влез во ЕУ. Од утре, исто така, ќе се бара да го почитуваат задолжителното барање за карантин.

Од 6 септември, патниците од овие области исто така мора да покажат негативен резултат од тест. Доказите за опоравување или вакцинација повеќе нема да бидат доволни. Тековното барање за сертификат за COVID ќе остане непроменето.

Во рамките на ЕУ, Германија и Унгарија ќе бидат назначени за области со висок ризик, така што же има правила и за тие што доаѓаат од овие земји во Холандија без оглед на државјанството. Ова значи дека патниците од овие земји ќе треба да покажат сертификат за COVID (доказ за вакцинација или опоравување или негативен резултат од тестот) кога патуваат во Холандија. Ова барање ќе стапи на сила на 6 септември.