Од компликации од Kовид почина 29-годишна родилка од Куманово

Дваесет и деветгодишна родилка од Куманово почина од компликации на ковид-19. Неколку дена била во тешка здравствена состојба, а последните три дена била хоспитализирана на Инфективната клиника.

Таа претходно се породила во седмиот месец од бременоста и бебето е во инкубатор. Од Министерството за здравство за „360 степени“ потврдуваат дека родилката починала и велат дека таа била во тешка здравствена состојба како последица на коронавирусот.

Жената немала коморбидитети и не била вакцинирана против ковид-19.

Во денешната статистика за состојбата со ковид-19 воземјава, покрај 29-годишната родилка, регистрирани се уште три починати лица, двајца од Куманово на возраст од 49 и 74 години и еден од Гостивар на возраст од 78 години. Сите се починати во болнички услови.