Објавени нови фотографии од досието на Епштајн со Трамп, Клинтон, Гејтс

Демократите во надзорниот комитет на Претставничкиот дом објавија 19 нови фотографии од 95.000 што ги добија од имотот на Џефри Епштајн денес. Во најновата објава, има слики од Бил Клинтон покрај покојниот сексуален престапник и неговата соучесничка, Гилејн Максвел. Исто така, има слики од Доналд Трамп и Епштајн на социјални настани, па дури и слика од претседателот во авион, а до него жена чие лице е редигирано.

Во објавата има неколку слики на кои се појавува милијардерот Бил Гејтс, вклучувајќи ја и една од него покрај Ендру Маунтбатен-Виндзор, поранешниот принц.

Друго значајно лице е поранешниот советник на Трамп и познат сојузник, Стив Банон, кој се појавува на една слика како седи преку биро, во разговор со Епштајн.

Многу од мажите претходно биле поврзани со Епштајн, иако фотографиите може да фрлат нова светлина врз обемот на тие врски.

Земени заедно, 19-те слики – за кои комисијата рече дека доаѓаат од имотот на Епштајн – го потврдуваат фактот дека финансиерот во минатото бил поврзан со широк спектар на моќни и познати луѓе чии врски со него сега се под сериозна истрага.

Една слика објавена во петокот покажува нешто што изгледа како чинија со нови кондоми со карикатура од лицето на Трамп; чинијата има знак на кој пишува „Трамп кондом 4,50 долари“, а секој кондом носи слика од лицето на Трамп со текст „Јас сум ОГРОМЕН!“ Друга слика го прикажува Трамп со шест жени чии лица sе редигирани од комисијата. Други ги вклучуваат Стив Бeнон и Епштајн како се фотографираат во огледало; Бил Клинтон со Епштајн, Максвел и уште еден пар; и технолошкиот милијардер Бил Гејтс со поранешниот принц Ендру. Поранешниот претседател на Харвард, Лари Самерс и адвокатот Алан Дершовиц, исто така, се појавија на слики од имотот.