Новосадскиот директор на јавниот превоз финансирал купување кокаин од Еквадор?

Младен Паповиќ, вршител на должноста директор на Јавното градско сообраќајно претпријатие „Нови Сад“, е осомничен дека финансирал набавка на 15 килограми од оваа дрога во Еквадор како еден од организаторите на балканскиот картел, кој е поврзан со шверц на тони кокаин, пишуваат српските медиуми.

„Како еден од организаторите на криминалната група е посочен Младен Поповиќ, кој се сомнева дека преку Пинк Пантер Драган Микиќ, кој исто така беше уапсен во оваа акција, како и Борис Плавшиќ, финансирал набавка на 15 килограми кокаин. Купениот кокаин, како што се сомневаат истражителите, бил дел од пратката од 505 килограми дрога која била запленета во март 2021 година во хрватското пристаниште Плоче, кај Дубровник“, открил извор за Блесок.

Како што наведуваат, Паповиќ бил врзан со лисици во вторникот наутро за време на голема меѓународна акција во која биле уапсени осум лица на територијата на Србија, додека потрагата по две лица се уште трае. Во кривичната пријава се опфатени уште тројца обвинети во постапката што веќе се води против овој картел.

Десетмина уапсени во голема акција
Како што објавивме претходно, полицијата вчера уапсила 10 осомничени (1 во Босна и Херцеговина, 1 во Хрватска и 8 во Србија). Неколку истакнати членови на злосторничкото здружение од регионот, т.н Балкански нарко картел. При претресите на становите, органите на редот заплениле оружје и големо количество муниција како и неколку скапи возила, часовници и повеќе од 500.000 евра во готовина. Четири лица под истрага за припадност во оваа мрежа веќе се затворени.

За уште тројца се распишани меѓународни потерници, а против еден обвинет кривична постапка ќе води четврта држава.