Никол Ари Паркер е новата Саманта Џонс во продолжението на „Сексот и градот“

САД– Никол Ари Паркер е додадена на претстојното рестартирање на  „Сексот и градот“ за да го пополни отсуството на ликот на Ким Катрал, Саманта Џонс.
Според Гардијан, Ари Паркер ќе ја глуми новата најдобра пријателка на Кери Бредшо, Лиза Тод Вексли, автор на документарци. Ари Паркер е позната по улогите во Empire на Фокс и филмот Boogie Nights. на Пол Томас Андерсон од 1997 година.
Вексли на Ари Паркер ќе биде новата четврта пријателка на дружината, во продолжението „И просто, така оди тоа“ (And Just Like That) , чии извршни продуценти се Сара Џесика Паркер, Кристин Дејвис и Синтија Никсон – сите тие се појавија во оригиналната серија – и сценаристот Мајкл Патрик Кинг.

Новото шоу на HBO Max беше најавено уште во јануари со Сара Обри, раководителка на оригинална содржина во HBO Max, велејќи: „Јас пораснав со овие ликови и едвај чекам да видам како еволуирала нивната приказна во ова ново поглавје, со искреноста, трогателноста, хуморот и саканиот град што отсекогаш ги дефинирал “.
Исто така, не беше тајна дека Паркер и Катрал не беа најдобри пријателки, бидејќи Катрал излезе од франшизата откако сними два филма за „Сексот и градот“.
По објавувањето на рестартирањето, серијата од нови 10 епизоди исто така имаше реакции поради неговата главно бела актерска екипа. Покрај новата улога на Ари Паркер, во актерската екипа се додадени уште неколку обоени актери, како Сара Рамирез, Карен Питман и Сарита Чудхури.