Нема преживеани во сударот на авионот и хеликоптер во Вашингтон

Не се очекуваат преживеани откако регионалниот патнички авион со 64 луѓе се судри со воен хеликоптер во Вашингтон и се урна во реката Потомак при приближувањето на националниот аеродром „Роналд Реган“ во средата вечерта, соопштија официјални лица.

• 30 тела се извлечени од авионот и едно од хеликоптерот од страна на првите екипи кои работат во, како што ги нарече „екстремно студени услови“ шефот на противпожарната служба на Вашингтон, Џон Донели.

• Летот на Американ ерлајнс“ тргнал од Вичита, Канзас, превезувајќи 60 патници и четворица членови на екипажот кога се судрил со хеликоптер „Блек хоук“кој бил на тренинг лет.

• Се верува дека хеликоптерот превезувал тројца војници, а во него немало високи армиски службеници. Хеликоптерот „Блек хоук“вклучен во несреќата бил сместен во Форт Белвоар, Вирџинија.

• Кремљ потврди дека во авионот биле лизгачите Евгенија Шишкова и Вадим Наумов. Парот, кој беше во брак, го освои светскиот шампионат во уметничко лизгање во парови во 1994 година и живееше во САД. Управното тело за уметничко лизгање во САД потврди дека спортистите, тренерите и членовите на семејствата се враќале од националниот развојен камп што се одржал во врска со американското првенство во Канзас.

• Температурите во областа беа под нулата, а секое време поминато во вода би било исклучително опасно за секој што го преживеал првичниот инцидент, при што хипотермијата брзо започнува.

• Чамци за надувување и нуркачки тимови ја пребараа локацијата, со хеликоптери кои кружеа над местото и имаше големи рефлектори кои ја осветлуваат сцената од брегот. Операциите беа отежнати поради силните налети на ветерот, како и студот.

• Хеликоптерот бил на вежба за обука во некои од најстрого контролираниот воздушен простор во светот. Времето во Вашингтон беше ведро. Нема индикации за некоја намерна или терористичка причина.

• Доналд Трамп рече дека бил информиран за „страшната несреќа“ и ја пофалил „неверојатната работа“ направена од службите за итни случаи. Тој подоцна на социјалните мрежи рече дека несреќата „требала да се спречи“.

• Пит Хегсет, кој пред неколку дена положи заклетва како секретар за одбрана на Трамп, објави на социјалните мрежи дека е покрената истрага од страна на армијата и Министерството за одбрана

• Ари Шулман, сведок кој возел дома кога се случил инцидентот, опиша „поток од искри“ над главата. „Првично го видов авионот и изгледаше добро, нормално. Беше во правец на слетување “, изјави тој за Си-Ен-Ен. „Три секунди подоцна, и во тој момент беше искривен докрај надесно…Можев да ја видам долната страна од него, беше осветлена со многу светло жолта боја, а под него имаше млаз од искри “.

• „Американ ерлајнс“ воспостави телефонска линија за роднините кои веруваат дека можеби го изгубиле еден од авионот.