Негативни мисли – како да се ослободите од нив?

Негативното размислување и анксиозноста може да ја блокираат нашата продуктивност и ефикасност и не можеме да очекуваме успех со тоа.

Дури и оние луѓе кои ги сметаме за весели имаат денови кога не се расположени и паѓаат во блага депресија. Ова е резултат на емоционална нерамнотежа што има лошо влијание врз нашиот живот.

Ако ви е тешко да започнете и да ја спречите негативноста, доволно е да си ги поставите овие прашања и да им дадете искрени одговори:

Зошто се чувствувам среќен во моментов?

Сите се стремат кон тоа – да бидат среќни, а тоа е составен дел од животот и се крие во малите нешта. Потсетете се што ве прави среќни во овој момент.

Зошто се чувствувам возбуден во моментов?

Луѓето најчесто се водени од адреналин, возбуда и страст за нешто. Ќе бидете успешни во бизнисот само ако го сакате. Запрашајте се што ве возбудува во моментов.

Што е тоа што ме прави горда личност во моментов?

Честопати мислите ги фокусираме на она што ни недостасува, што ги претставува нашите недостатоци, додека нашите успеси често ги оставаме настрана. Треба почесто да гледаме до каде сме стигнале, колку напорно сме работеле за да успееме и да се гордееме со тоа.

За што сум благодарен ова утро?

Започнете секое утро со ова прашање – на што сте благодарни? Ако го започнете денот со заблагодарување за добрите работи што ви се случиле, за добрите луѓе кои го сочинуваат вашиот живот или едноставно за највредното здравје – ќе го поминете целиот ден во такво расположение.