Научниците на ФДА не препорачаа трета доза од „Фајзер“

Научните советници на американската Администрација за храна и лекови (ФДА) гласаа да не се препорача трета доза од вакцината Фајзер за повеќето Американци постари од 16 години, што е потенцијално значаен удар за администрацијата на претседателот Џо Бајден, кој веќе објави план за „поттикнување“ на имунитетот на возрасните пред советодавните комитети воопшто да имаат шанса јавно да ги разгледаат научните докази.

Претседавачот на комисијата, д -р Арнолд Монто, епидемиолог од Универзитетот во Мичиген, продолжи со расправа по гласањето. Шеснаесет од 18 советници се спротивставија на предлогот за трета доза , иако некои членови веруваа дека има „улога“ за третата вакцина.

По првичното гласање „не“, комитетот препорача многу помал број Американци да примат трета доза  од вакцината „Фајзер“ најмалку шест месеци по нивните први дози, овој пат со одобрение за итна употреба, а не со целосно одобрување.Така,18-члениот панел едногласно препорача „засилувачка“ доза за лица постари од 65 години и со висок ризик од тешка инфекција со  „Ковид-19“.