Наскоро се отвора најдолгата патека на светот низ крошни од дрвја
Од 11 јули ќе биде отворена најфолгата патека на светот во крошните на дрвјата во швајцарските Алпи.
Прошетката која води низ крошните на дрвјата поврзува две села. Лакс Муршчетг и Лакс Дорф. Кога ќе достигнат висина на платформата, посетителите ги чека патека долга 1,56 километри која ги води низ шума.
Погледот на посетителите по целата должина на патот е на ниво на дрвјата, пишува Травел магазин.
Патот низ крошните на дрвјата нуди единствено доживување во природа за целото семејство. Освен самата патека, тука е и спирален тобоган на кој децата најмногу ќе му се израдуваат, како и четири платформи со клпи за седење. Овде посетителите може да одморат и да уживаат во единствениот поглед на природата.
По патеката ќе може да се шета цела година, а задоволството од уживање во природата за возрасно лице во еден правец чини 15 евра.