Најмалку осум загинати во пукање во универзитетот во градот Перм во Русија
Најмалку осум мртви и околу 20 ранети лица, соопштиле денеска претставници од истражните служби, како што јавува новинската агенција Интерфакс. Според изјава на надлежно лице од универзитеот, напаѓачот во меѓувреме е убиен, претходно беше кажано дека тој е уапсен, пренесува Дојче веле.
Студентите од кампусот го снимија напаѓачот со пушка како се приближува до зградата, а подоцна на социјалните мрежи се појавија снимки на кои се гледа како преплашени студенти скокаат од прозорците, објави „Јутарњи лист“.
Во друг кадар се гледа како млад човек лежи на тротоарот во локва крв.
Локалните медиуми го идентификуваа напаѓачот како 18-годишниот Тимур Бекмансуров. На социјалните мрежи, непосредно пред нападот, Тимур го објасни процесот на добивање дозвола за оружје – очигледно, како што пишува „Индипендент“, ги поминал психолошките тестови – и рече дека го избрал Универзитетот затоа што „направил сериозни грешки“ пред четири години.
Update on mass shooting at Russia University in #Perm: 8 killed https://t.co/nxi0uJd6g4
— FinTwit (@wallsteetbets) September 20, 2021
„Бидејќи се познавам себеси, отсекогаш сум размислувал за смртта. Не знам колку можам да убијам, но ќе направам се што можам за да понесам што повеќе од нив со мене”, напишал тој.
Сите студенти во кампусот се предупредени да заминат или да бидат затворени во своите соби, а на оние што беа на пат кон универзитет им беше кажано да се вратат.
Масовните престрелки се релативно ретки во Русија поради строгите закони за контрола на оружјето, но се чини дека тие се во пораст во последно време. Во мај годинава, ученик нападна поранешно училиште во Казан и уби девет лица. Три години пред тоа, 18-годишниот Владислав Рослајков уби 20 свои колеги во Керч, Крим.
Во Беслан, 333 лица загинаа во терористички напад во 2004 година, повеќето од нив беа млади луѓе, наведува „Индипендент“.
#Russia #PermState
a shooting at Perm State University in Russia’s Ural mountain region. Upsetting video emerging online shows students leaping from windows on the second floor to escape. pic.twitter.com/8sAtcS4EnC— RawNews1st🎥📰 (@Raw_News1st) September 20, 2021