На стартот на учебната година првачињата ќе добијат подарок од нивните омилени брендови

Регионалната акција на Плазма и Роса доби силна поддршка од партнерските маркети, кои се приклучија во мисијата првачињата да добијат подарок-пакетчиња на почетокот на учебната година.

Пивара Скопје со брендот Роса и компанијата Бамби со брендот Плазма се цврсто посветени на својата мисија да придонесуваат за заедницата и да ги поддржуваат најмладите генерации.

Акцијата на Плазма и Роса, во која првачињата на стартот на учебната година ќе добијат подарок од нивните омилени брендови, со големо задоволство беше поддржана од дистрибутерската компанија Кола, која активно се вклучи во реализацијата на оваа прекрасна иницијатива. Оваа акција ги инспирираше и маркетите Веро, Тинекс, Жито, Кит-Го, Вива Фреш и Рамстор да се приклучат и  да им донесат радост на најмалите ученици и нивните семејства,

Родителите чии деца тргнуваат во прво одделение ќе можат да го подигнат подарок-пакетчето во најблиската продавница на каса, со приложување на здравствена легитимација или друг документ што ја покажува возраста на детето. Акцијата ќе трае од 1-ви до 15-ти септември или до истрошување на залихите во продавниците.

Пакетчињата кои содржат ранец, распоред на часови, мозгалка, Плазма бисквити и шишенце Роса ќе бидат доставени бесплатно од дистрибутерот Кола до маркети на листата објавена на следниот линк.