Мирисите на Италија во вашиот дом: Подгответе вкусни тестенини со печурки и сланина
Тестенини кои ќе го направат вашиот дом поубаво место. Уживајте во подготовката на ова јадење, исто како и во дегустацијата!
Состојки:
300 гр тестенини фусили
200 гр сланина
200 гр шампињони
2 чешниња лук
250 мл неутрален крем за готвење
100 гр сос од домати
100 гр павлака 20% мм
1 лажичка сув зачин
бибер
100 гр Трапист кашкавал
сув босилек
Подготовка:
Сварете ги фусилите во солена вода според упатството на пакувањето.
Исецкајте ја сланината и пропржете ја во вок тава. Додадете сечкан лук, како и печурки. Пржете додека не омекнат печурките и испари течноста што ја пуштија. Зачинете со суви зачини и бибер. Додадете неутрален крем за готвење, павлака, сос од домати и рендан трапсит. Промешајте да се соедини сосот малку и трапистот да се стопи. На крај додадете ги сварените тестенини фусили, промешајте и посипете со сув босилек. Послужете додека е топло.
Мирисите на Медитеранот ќе доминираат во вашиот дом!