Министрите Перински и Љутков ќе информираат за постигнатите резултати во изминатата година

Министерот за локална самоуправа Златко Перински и министерот за култура и туризам Зоран Љутков на одвоени прес-конференции денеска ќе информираат за резултатите во нивните ресори во изминатите 12 месеци, по повод една година од формирањето на Владата. 

-Под слоганот „Ги градиме темелите на промените. За твоето време кое доаѓа“, министерот Перински ќе ги презентира активностите и проектите кои Министерството ги презеде и реализираше во изминатава една година, соопшти Министерството за локална самоуправа. 

Министерството за култура и туризам во најавата за прес-конференцијата на Љутков наведува дека ќе бидат презентирани резултатите и постигнувањата во изминатата година. 

Прес-конференциите ќе се одржат во Медија-центарот на Владата – од 10 часот е отчетот за сработеното на Перински, а од 12 часот – на министерот Љутков.