Месечевиот лендер „Перегрин“ и неговиот товар најверојатно ќе изгорат во атмосферата на Земјата

Компанијата Astrobotic објави дека нејзиниот несуден лунарен лендер „Перегрин“ е на пат кон Земјата, каде што ќе го дочека својот крај.

Се чини дека „Перегрин“ се враќа таму од каде што дошол, а тоа е Земјата. Вселенскиот брод, кој доживеа аномалија набрзо по лансирањето и почна да губи погонско гориво, ќе изгори во земјината атмосфера, се вели во соопштението на Astrobotic објавено на социјалната мрежа X. Компанијата планира да одржи прес-конференција заедно со американскиот вселенската агенција НАСА, во четврток на 18 јануари, каде ќе се разговара за судбината на лендерот.

„Перегрин“ траеше многу подолго отколку што некој очекуваше откако беше откриено истекување на гориво на 8 јануари, а Astrobotic често објавуваше ажурирања за неговата состојба. Пред неколку дена, компанијата се откажа од обидот да направи меко слетување на површината на Месечината, но не беше сосема јасно каде лендерот ќе го дочека својот крај. „Перегрин“ успеа да отпатува до Месечината, но со оглед на положбата на земјиниот природен  сателит, и орбитата минатиот викенд, не успеа да слета на површината.

Ако сѐ одеше според планот, „Перегрин“ ќе се сретнеше со Месечината 15 дена по лансирањето, во тој момент ќе започне транзицијата од Земјата во орбитата на Месечината. Како што минуваат деновите, лендерот останува без гориво, па веројатно нема да издржи доволно долго за да направи средба.

„Нашите проценки покажуваат дека леталото е на пат кон Земјата, каде што најверојатно ќе изгори во атмосферата“, рече Астроботик.

Секогаш постоел ризик мисијата да заврши вака, бидејќи слетувањето на Месечината е многу тешка задача. Комерцијалната мисија ја означи првата од сите планирани во програмата на НАСА за комерцијални лунарни услуги за оптоварување (CLPS), а уште пред лансирањето, програмскиот менаџер Крис Гулберт предупреди дека „успехот не може да се гарантира“.