Мекдоналдс ги менува познатите хамбургери

Компанијата „Мекдоналдс“ објави дека го подобрува вкусот на своите хамбургери.

Лепчињата ќе се тостираат, сирењето ќе се стопи, а познатиот хамбургер „биг мек“ во иднина ќе има повеќе преливи.

„Видовме можност да направиме некои промени за да ги направиме нашите хамбургери уште повкусни“, рече шефот за маркетинг и искуство на клиентите на Мекдоналдс во САД, Тарик Хасан, според Ројтерс.

Промените веќе се воведени во Австралија, Канада и Белгија, додаваат од компанијата Мекдоналдс.

Што се однесува до Америка, новите, подобрени хамбургери се продаваат во некои градови во сојузните држави Калифорнија, Вашингтон, Аризона и други држави во западниот дел на САД.

Ќе се продава низ САД почнувајќи од 2024 година.

Компанијата Мекдоналдс ќе промовира нови хамбургери со помош на виртуелниот лик „Hamburglar“, кој се користел во рекламите во текот на седумдесеттите и осумдесеттите години на минатиот век.