Маск се шегува со дилемата „дали вреди да се убие Камала Харис“?

Илон Маск продолжува да се„шегува“ за некој што би ја убил потпретседателката Камала Харис. Во текот на викендот, Маск повторно забележа дека „никој не се ни мачи да се обиде да ја убие Камала“ – додека зборуваше во црква.

Дејствувајќи како сурогат на Доналд Трамп  и главен зад водечкиот Супер Политички акциски комитет за Трамп што собра 75 милиони долари – Маск зборуваше во саботата вечерта во мегацрквата  во Харисбург. Маск вети дневна наградна игра од 1 милион долари за регистрираните гласачи во сојузната држава кои ја потпишуваат петицијата на неговиот Супет ПАКза поддршка на првиот и вториот амандман за слобода на говор и пристап до оружје. „Вториот амандман“, инсистираше Маск, „е таму за да го заштити Првиот амандман“.

Но, Маск исто така го искористи собирот зза да се обиде – по трет пат – да ја каже својата „шега“ за некој што се обидел да ја убие ривалката на Трамп и актуелна потпретседателка, Харис.

„Шегата“ на Маск е резултат на теорија на заговор дека Вашингтон е контролиран од она што тој го нарече „унипартија“ или „машина“, што тој мрачно – и без докази – ги поврзува со неодамнешните обиди за атентат на Трамп.

„Јас само ја нарекувам машина, големата владина машина“, им рече Маск на присутните на неговиот црковен митинг. „Кога куклата Бајден не функционираше, тие добија нова марионета. Но, тоа е сепак истата машина, очигледно“, додаде тој за Харис кој го замени претседателот Џо Бајден на изборите. Маск тогаш обвини дека враќањето на Трамп во Белата куќа би било „она што го плаши системот“ бидејќи „Доналд Трамп не е марионета, тој е вистинска личност“, додавајќи мрачно: „Затоа… се обидуваат да го убијат. “

Потоа, Маск ја повтори својата шега за смртта на потпретседателката.

„Спомнав како шега – го мислев како шега – дека никој не се ни мачи да се обиде да ја убие Камала“, рече Маск. „Бидејќи нема поента. Нема поента. Би добиле уште една кукла, знаете“. Милијардерот побрза да додаде: “Не предлагам некој да се обиде да ја убие. Бесмислено е! Јас само набљудувам. Никому не му пречи. Зошто е тоа така? Затоа што не е важно. Да? Атентатот на кукла е бесмислен“.

Ова е барем трет пат најбогатиот човек во светот – чии милијарди значително се резултат на неговата улога како државен изведувач (нашки кажано живее од државни тендери) – се обидува да ја каже оваа „шега“ за глобалната публика. Првиот пат беше на неговата платформа X, каде Маск има 200 милиони следбеници. Одговарајќи на некој што праша зошто „сакаат да го убијат Доналд Трамп, Маск напиша во септември: „Никој не се ни обидува да го убие Бајден/Камала“. Маск ја избриша својата објава по реакциите, пишувајќи: „Една лекција што ја научив е дека само затоа што и кажувам нешто на група и тие се смеат не значи дека ќе биде толку смешно како објава на X.“

И покрај тоа што неговите зборови го предизвикаа вниманието на тајната служба, Маск подоцна ја оживеа шегата за атентатот за време на интервјуто лице в лице со поранешниот водител на Фокс Њуз, Такер Карлсон, кој стримува на X.

„Направив шега, која ја избришав, што беше како, никој не се ни мачи да се обиде да ја убие Камала, бидејќи тоа е бесмислено“, рече Маск.

Саботниот настан во Харисбург во мегацрквата имаше само неколку стотици лица во публика , но се пренесуваше во живо на X до повеќе од 1 милион онлајн гледачи. Откако го испорача својот обид за хумор, Маск злобно се смееше пет секунди, пред незгодно да додаде: „Значи. Да“.Публиката  конечно му ја даде реакцијата за која сметаше дека „шегата“ ја заслужува. Тие одговорија со весел татнеж, како штотуку да виделе ракета Space X како се враќа на земјата – без да се разнесе.