Маск до Трамп: Без мене ќе ги изгубеше изборите

Илон Маск ја заостри јавната расправија со Доналд Трамп, нагласувајќи дека американскиот претседател ќе ги изгубел изборите без неговата поддршка.

„Без мене, Трамп ќе ги изгубеше изборите“, објави Маск на X.
„Каква неблагодарност“.

Вредноста на акциите на Тесла нагло паднаа на Волстрит, за осум проценти,  веднаш по избувнувањето на расправијата меѓу американскиот претседател Доналд Трамп и Илон Маск, извршниот директор на компанијата за електрични автомобили.

Трамп рече дека е разочаран од Маск – поранешен близок сојузник – критикувајќи го неговиот предложен закон за огромни трошоци, додека Маск го критикуваше Трамп за „неблагодарност“ за поддршката на технолошкиот тајкун.

Американскиот претседател Доналд Трамп изјави дека не знае дали ќе има добри односи со милијардерот Илон Маск во иднина, откако сопственикот на Тесла го критикуваше новиот закон за трошење.

„Отсекогаш го сакав Илон. Видовте какви зборови имаше за мене. Не кажа ништо лошо за мене. Подобро би било тој да ме критикува мене отколку законот, бидејќи законот е неверојатен. Тоа е најголемото намалување (на трошењето) во историјата на нашата земја“, рече Трамп.

Тој изјави дека Маск бил запознаен со тоа како функционира законот за данок и трошењето и дека првично немал проблем со него, но дека проблемите продолжиле кога милијардерот дознал дека тоа ќе влијае на електричните возила.