MASH Maqedoni: Nesër në shkolla dhe vende pune të shkoni me biçikleta

Ministria e Arsimit u ka bërë thirrje mësimdhënësve, profesorëve, nxënësve dhe studentëve që nesër të shkojnë në vend pune dhe nëpër shkolla e universitete me biçikleta.

Ministria kërkon nga ata që t’i bashkohen nismës së shoqatës joformale “Me biçikletë”, në kuadër të aksionit global “Në dimër me biçikleta në shkollë dhe punë”.

Njiherit, Ministria kërkon që të respektohen rregullat e komunikacionit, pjesëmarrësit në aksion të jenë të vëmendshëm për sigurinë e tyre dhe të tjerëve, të kënaqen, ta shijojnë këtë ditë me biçikleta, etj.