Комплетно се реконструира градскиот базен во Кавадарци со парите од унгарскиот кредит

Во Кавадарци се врши комплетна реконструкција на градскиот базен, а за таа намена ќе бидат потрошени 48 милиони денари.

Денеска во посета на Кавадарци беа и премиерот Христијан Мицкоски и министерката за образование Весна Јаневска.

„Навистина, прилично голема динамика на реализација на капиталните проекти овде во Општина Кавадарци…“, рече Мицкоски.

„Општина Кавадарци во првите два повици (за унгарскиот кредит) доби околу 7 милиони евра. Нешто што претставува значаен драјвер и во локалната економија, но и го подобрува квалитетот на живот на самите жители на Кавадарци. Овој базен, градски којшто многу скоро од денес ќе биде пуштен во функција јас мислам ќе биде исклучително убаво место за кавадарчани да се дружат, да поминуваат дел од летните денови тука“, додаде премиерот.

Според динамиката,  веќе следната година се очекува базенот да биде во функција.

„Комплетна реконструкција на Градски базен Кавадарци, се што е потребно за да Градскиот базен да функционира како забавен воден парк, и за младите и за повозрасните. Инвестиција во висина од 48.000.000,00 ден од Влада на РМ“, рече градоначалникот Митко Јанчев.