Комарците ги привлекуваат четири бои: Избегнувајте ги ако не ги сакате убодите

Во борбата против комарците се е дозволено, но не е сè ефективно. Сепак, една едноставна тактика откриена од научниците од Универзитетот во Вашингтон се покажа како најдобра и се заснова на теоријата на бои.

Сезоната на комарци штотуку започна, а спрејовите, кремите и свеќите против тие напади помагаат сè помалку. За среќа, истражувачите од Универзитетот во Вашингтон најдоа многу ефикасен начин за борба против нив. Тактиката е многу едноставна: избегнувајте да носите одредени бои.

– Претходно реков дека трите главни работи кои ги привлекуваат комарците се мирисот, потта и температурата на телото – изјави за магазинот „Дејли мејл“ Џефри Рајфел, професор по биологија на Универзитетот во Вашингтон.

Кои бои ги привлекуваат комарците, а кои ги одбиваат

Преку детално истражување е утврдено дека комарците особено ги привлекуваат четири бои: црвена, портокалова, црна и темно зелена, односно боја помеѓу сина и зелена. Кога носите облека од тие бои, веројатноста да ве „изедат“ комарците е неспоредливо поголема отколку кога носите облека од други тонови. Од друга страна, зелената, виолетова, бела и сина боја се најмалку интересни за комарците, а експертите препорачуваат да носите облека од тие бои во лето и во области опкружени со водни тела (особено оние кои стагнираат).

– Во оваа студија докажавме дека и боите имаат влијание врз тоа дали комарците ќе нападнат или не – додаде Џефри Рајфел во интервју за Дејли Мејл.

Постојат и други природни начини за борба против комарците

Доколку сепак сакате дополнително да се осигурате, односно да се заштитите од комарци, можете да користите и различни природни средства. Од јаболков оцет, комарците бегаат, а добро се покажаа и маслото од чајно дрво, лавандата и лукот. Неговиот мирис многу им пречи, па доволно е да оставите неколку ченови лук во вашата близина.

Ако сè уште ве касаат комарци и покрај сите тактики и заштитни мерки, местото на каснување можете да го премачкате со сок од чувар куќа, раствор од сода бикарбона или внатрешноста на кора од банана. На овој начин ќе го ублажите чешањето и отокот и ќе го забрзате процесот на регенерација на местото на пункција.