Кои електромобили можат да поминат најмногу километри со полна батерија
![](https://nezavisen.mk/wp-content/uploads/2021/06/elektricni-aavvtomobili.png)
Норвешкиот авто-клуб (НАФ) спроведе тест за мерење на автономијата на возење на неколку модели на електрични автомобили достапни на тој пазар, управувајќи ги сè додека не „згаснат“.
Резултатите од тестот добиени во реалните услови на возење требаше да се споредат со официјалните податоци за радиусот на движење. Официјалните податоци инаку се добиваат врз основа на Светската постапка за тестирање на хармонизирано лесно возило или WLTP, што го одредува циклусот на возење користен за проценка на приближниот опсег на електричните возила (ЕВ), пренесува Ревијахак.хр.
Беа тестирани вкупно 21 автомобил, секој се движеше сè додека не се испразни батеријата и „не се исклучи“ моторот.
Секој од тестираните автомобили се движеше по истата рута на истиот ден, со истите поставки на командите за „клима“ со цел да се минимизираат потенцијалните разлики во условите за тестирање.
Тестирањето се состоеше од комбинација на возење во град, по макадам и автопат, како и над планински превој што беше фактор за промена на надморската височина.
Најмногу импресионирал BMW iX3 со кој тест-возачите возеле 556,2 км пред да застанат. Тоа е 20 проценти повеќе од проценката на WLTP или поточно 106 километри.
Според податоците на НАФ, од вкупно 21 тестирано возило, 18 го надминале фабрички декларираниот радиус на движење.
Трите возила што не успеаја во тоа беа Polestar 2, Citroen e-C4 i Xpeng G3, кои „паднаа“ 3, 5 и 12 км, соодветно.
![](https://nezavisen.mk/wp-content/uploads/2021/06/tesla-model-3-long-range.jpg)
Сепак, дури и овие три модели покажаа импресивни резултати, земајќи го предвид фактот дека циклусот за тестирање на WLTP често дава оптимистички резултати што не можат да се постигнат во реалноста.
Tesla Model 3 Long Range беше севкупен победник и успеа да постигне импресивни 654,9 км. Следуваше Ford Mustang Mach-E Long Range RWD со 617,9 км или само 27 км помалку од Tesla.
НАФ истакнува дека тестираниот Модел 3 е ажурирана верзија со опсег WLTP од 614 км.
На пример, Volkswagen ID.3 успеа да помине 421 км, а неговата официјална автономија е 418 км (верзија ID.3 PRO 539 км во фабриката, на тестот 564 км).
Одличен е и Hyundai Kona со официјална автономија од 484 км, додека вистинскиот радиус на тестот беше 537 км.