„Кога ги приведуваат квичат како свињи“: Александар Вучиќ за протестите низ Србија

Претседателот на Србија, Александар Вучиќ, денеска изјави дека во Србија сме сведоци на „брутални изливи на насилство“ и им упати поддршка на новинарите на таблоидот „Информер“, најавувајќи гостување на Радио телевизија на Србија (РТС) и рече дека оваа телевизијата е најодговорна за поддршка на насилството.

„Почитувани граѓани на Србија, со денови сме изложени на брутални изливи на насилство што ги спроведуваат одредени политички фактори во нашата земја со сесрдна поддршка на таканаречените мадиски групи за притисоците на другите групи на притисок“, рече Вучиќ.

Како што рече, пристојните граѓани, без оглед на нивната политичка ориентација, можат да веруваат во работата на државните органи без да преземат мерки за да покажат кој е поброен на улица.

Посебна почит им оддаде на новинарите на „Информер“, за кои тврди дека преживеале вистинска тортура „од дивјаци предводени од докажаниот наркоман“ Ѓорѓе Микетиќ.

Вучиќ ги коментираше и критиките упатени кон припадниците на полицијата.

„Дури и да не интервенираа полицајците, туку само да се обидат да ги натераат да си заминат, тие немаше да си заминат, туку ќе квичат како свињи, барајќи внимание и осуда за српските полицајци кои професионално се однесуваа и осуда на српската држава“, рече претседателот на Србија.

„Ние го трпиме овој терор за, наводно, да се забрза обвинителството“, рече Вучиќ, но додаде дека обвинителството во Србија одлучувало сто пати побрзо од некои земји од ЕУ каде што се случувале слични работи.

Тој го најави и своето гостување на РТС во 17 часот и 20 минути и додаде дека таа телевизија ја смета за една од најодговорните за поддршката на насилството и секоја антидржавна идеја и „ќе им каже сѐ в лице“.

„Времињата не се лесни, ниту се едноставни, заедно ќе надминеме сѐ и ќе ги победиме оние кои сакаат да ни ја уништат државата. Нема да им ја дадеме Србија за ништо на светот, затоа што ја сакаме Србија повеќе од сѐ“, заклучи Вучиќ.