Кина ќе донира 500 милиони долари на СЗО во следните пет години

ЖЕНЕВА- Кина ќе донира дополнителна квота од 500 милиони долари на Светската здравствена организација во следните пет години, изјави вицепремиерот на Државниот совет на земјата пред Светското здравствено собрание во Женева во вторник.

Лиу Гуоџонг вети поддршка од Кина за глобалното здравствено тело кое е потресено од повлекувањето на САД – туркајќи го во финансиска криза.

„Светот сега се соочува со последиците од унилатерализмот и политиката на моќ што носат големи предизвици за глобалната здравствена безбедност… Мултилатерализмот е сигурен пат кон решавање на тешкотиите“, им рече Лиу Гуоџонг на делегатите.