Кенди Далфер на 8 април во Филхармонија – време е за врвен фанк и смут џез
„Авалон продукција“ најавува фуриозен спектакл со маестралната џез – фанк саксофонистка Candy Dulfer на 8 април во Скопје.
Далфер ќе биде придружувана од вкупно 9 врвни музичари на сцената на Македонската Филхармонија.
Заедно со својот бенд, номинираната за „Греми“ саксофонистка, на Скопје ќе му приреди, од една страна – ексклузивен и интимен концерт (благодарение на квалитетот и големината на Македонската Филхармонија), а од друга страна, енергично и возбудливо џез, поп – фанк, RnB шоу со пеколно добар грув!
Candy Dulfer е соло артистка, инструменталистка и текстопистка која има работено со некои од најголемите имиња во музиката, како Van Morisson, Lionel Richie, Beyoncé, Pink Floyd, Aretha Franklin, Dave Stewart (Eurythmics)… а, Prince ја сметал за негов прв избор кога била во прашање изведбата на саксофон; “When I want sax, I call Candy” вели тој во видеото за Partyman.
Нејзиниот последен, 13ти студиски албум, издаден во 2022 и насловен “We Never Stop” претставува храбра мешавина на еуфорични џез сола и поп – фанк или, цитирајќи ја самата Dulfer, “а funky as hell anthem of resilience”.
Влезниците за овој навистина ексклузивен настан се во продажба од среда (8 март) , по цена од 2 илјади до 4 илјади денари.