Касами не ги спроведува одлуките на Џафери

22/05/2024 10:58

Градоначалникот на Тетово и еден од лидерите на ВЛЕН, Биљал Касами жестоко реагираше на вчерашната одлука на Владата за стопирање на уривањето и реновирањето на Градскиот стадион во Тетово. Тој им порача на техничкиот премиер Талат Џафери и вицепремиерот Артан Груби дека стадионот ќе продолжи да се гради.

-По осумгодишното уништување што му го предизвика на Тетово, владата продолжува да штети. Овој пат носи одлука за прекин на работите на стадионот во Тетово. Уште еднаш докажавте кои сте, докажавте дека само ѝ направивте штета на оваа држава. Деновите ви се одбројани, со вакви одлуки не спречувате да работиме за нашите граѓани. Стадион ќе се гради, дури и да не ви се допадне. Доаѓа работна власт во Тетово и сите градови во државата ќе се градат и развиваат според планираното, објави Касами на социјалните мрежи.

Владата синоќа на седница донесе одлука да се прекине реновирањето на Градскиот стадион во Тетово, почнато неодамна, додека нема правна разврска на случајот. Исто така, Владата одлучи да се обрати со препорака до Уставниот суд, да ја земе предвид итноста на овој случај и да се произнесе. Владата заклучи и да се разгледаат правни основи, согласно Кривичниот законик, за покренување соодветна пријава до надлежните органи, во врска со овој случај, стои меѓу другото во владиното соопштение.

Поврзани содржини

Алтернатива: Орхан Муртезани е кандидат за министер за европски прашања
Сиљановска-Давкова се сретна со полскиот претседател Анджеј Дуда
Филипче: Потребна е промена на организациската поставеност за поголемо вклучување на членовите
Прво заедничко претставување на програмите на кандидатите за претседател на СДСМ: Потребен е став за клучни прашања
Претседателката Сиљановска Давкова ќе учествува на Самитот во Швајцарија за мир во Украина
Самитот на НАТО ќе опфати повеќе теми, следната недела извештај за споделување на товарот, вели претставничката на САД
ЗНАМ ги објави имињата на кандидатите за министри во владата (во живо)
Вчерашната изјава на претседателката Сиљановска Давкова во фокусот на грчките медиуми

Најчитани