Кардиолог предупредува: Симптомите укажуваат на можна срцева болест

Според Светската здравствена организација (СЗО), кардиоваскуларните болести (КВБ) се водечка причина за смрт во светот и се одговорни за приближно 17,9 милиони смртни случаи годишно. Овие болести погодуваат милиони луѓе ширум светот.

Сепак, иако срцевите заболувања се многу чести, раните симптоми лесно се занемаруваат бидејќи може да бидат многу благи, како што се гадење, потење, па дури и стомачна болка или варење. За среќа, хирург на TikTok сподели три клучни симптоми кои може да укажуваат на проблеми со срцето.

Кардиоваскуларниот хирург д-р Џереми Лондон наведе три симптоми во видеото кои никогаш не треба да ги игнорираме. Еве на што предупреди.

Недостаток на здив при одење
Иако е лесно да се отпише оваа состојба како недостаток на кондиција, доктор Лондон предупредува дека останувањето без здив може да биде знак за слабо срце. NHS (Националната здравствена служба) наведува дека иако останувањето без здив можеби не е сериозно, „никогаш не треба сами да ја дијагностицираме причината за отежнато дишење“; секогаш треба да се консултираме со општ лекар, особено ако проблемот е долгорочен.

Неможност да лежите рамно и лесно да дишете
Според The ​​Sleep Foundation, оваа состојба предизвикува ортопнеа, која се манифестира како отежнато дишење кога лицето лежи и исчезнува кога ќе се врати во исправена положба. Според хирургот, ова може да биде знак за срцева болест.

Отечени нозе и зглобови
Иако постојат различни причини за отекување на нозете и глуждовите, доколку симптомите не исчезнат, причината може да биде срцева слабост. Националната здравствена служба (NHS) препорачува да се посети лекар ако еден или двата зглобови, стапала или нозе отекуваат, ако отокот не исчезне по неколку дена домашно лекување и ако симптомите се влошат.