Каја Гербер во тренд на сезоната: Ништо не е пошик од бела кошула и фармерки

Париз– Пјер Паоло Пиколи од Валентино ја приближи високата мода до секојдневието на ревијата на Високата мода во Париз каде беше промовирана колекцијата есен-зима 2023/2024 .

Честа да ја отвори ревијата имаше ќерката на Синди Крафорд, Каја Гербер, носејќи фармерки изработени од газар и извезени со стаклени монистра, раскопчана, бела кошула, балетанки со голема панделка и огромни обетки со кристали. 

Гербер беше забележанa вчера во Париз со момчето Остин Батлер . Тие се координираа во кафени улични изгледи и се држеа за раце додека одеа до жариштето Костес — хотел со жив ресторан и бар.

Балетанките со панделката како мотив, беа составен дел од речиси сите дизајни, на ревијата на Валентино, а облеката потоа стануваше сè поспектакуларна и пограндиозна.

Прекрасното шоу на Валентино се одржа во славниот Шато де Шантили, северно од Париз. Елегантните силуети беа во контраст со раскошните украси: пердуви, скапоцени камења, смели цветови и сјај.