Југославија влезе во финале на изборот на српска песна за Евросонг, фановите од Косово се лути

Белград – Пејачката Зејна Муркиќ настапи во првото полуфинале на српскиот Евровизиски натпревар со песната „Југославија“ и предизвика вистинска бура на социјалните мрежи.

Откако нејзината песна веќе беше цел на критики поради насловот, по изведбата дојдоа во преден план техничките елементи на сценскиот настап, што ги засени нејзините вокални и акробатски способности.

Обвинувања за политизирање на Евровизија
Песната предизвика контроверзии уште пред полуфиналната вечер. Имено, официјалниот профил наречен Евровизија Косово ја обвини Србија дека „не може да ја одвои политиката од Евровизија“. Иако текстот на песната зборува за обединување и заедништво, на тој профил се појавија коментари во кои се наведува дека песната „ја величи Југославија“.

„Каблите беа ѕвездите на вечерта“
По настапот на Зејна, фокусот на јавноста се префрли на самиот сценски настап. Пејачката, облечена во елегантен долг фустан, ја изведе песната додека каблите ја креваа во воздух, дозволувајќи ѝ да изведува акробации, да се врти и да пее наопаку. Сепак, токму каблите станаа главна тема на коментари на социјалните мрежи.

Многу гледачи истакнаа дека техничката изведба го одвлекува вниманието од песната и пејачот, а поголемиот дел од критиките беа насочени кон организаторите, со оценка дека „можеле да направат повеќе“ за да ја направат опремата за кревање подискретна и помалку забележлива.

Седум песни од 12 се пласираа во финалето, закажано за 28 февруари. Тие се: Мирна – Омаја, Космос Трип – Сè е во ред, Ива Грујин – Се откривам себеси, Лорес – Невидена, Јанкс – Сè скрши, Зејна – Југославија и Ана Машуловиќ – Љуби ме.