Јапонскиот премиер: Сè поверојатно е дека Путин ќе користи нуклеарно оружје

Јапонскиот премиер Фумио Кишида денеска рече дека веројатноста Русија да користи нуклеарно оружје е сè поголема. Ова го кажа при посетата на американскиот амбасадор на Хирошима, прв град во историјата во кој е користена атомска бомба.

Јапонија, единствена земја која некогаш е нападната со нуклеарно оружје, редовно предупредува против користење такво оружје. Кишида денеска во друштво на американскиот амбасадор Рам Емануел го посети споменикот на жртвите на атомската бомба во Хирошима.

Стварноста на нуклеарната војна

„Во момент кога веројатноста дека Русија ќе користи нуклеарно оружје е сè поголема, верувам дека посетата на амбасадорот Емануел на Хирошима и она што го виде, стварноста на нукеларната војна, ќе прати јасна порака кај меѓународната заедница“, рече Кишида.

Додаде дека „руската инвазија на Украина покажува потешкотии во стварање свет без нуклеарно оружје“.

За потсетување, портпаролот на рускиот претседател Владимир Путин, Дмитри Песков пред неколку дена рече дека Русија ќе користи нуклеарно оружје само во случај на „егзистенцијална закана за Русија“.