Изборот на Трамп за потпретседател – „катастрофа“ за Европа и Украина

МИЛВОКИ – Голем дел од Европа веќе беше во паника поради второто претседателство на Доналд Трамп, загрижени дека САД ќе ја прекинат помошта за Украина ако тој победи во ноември. Тогаш Трамп го избра Џеј-Ди Венс за свој потпретседател.

Овој 39-годишен сенатор од Охајо е еден од најизолационистичките членови на Републиканската партија. Тој е жестоко против користењето на повеќе средства за помош на Украина и го критикуваше она што го гледа како прекумерна зависност на Европа од САД кога станува збор за воени инвестиции.

Висок функционер на ЕУ рече дека  назначувањето на Венс е „катастрофа“ за Украина – а потоа и за Европската унија, која го поддрува Киев додека се брани против руската агресија.

Венс одигра централна улога во напорите да се уништи нацрт-законот за помош за Украина на почетокот на оваа година во Сенатот и кога тој напор не успеа, Венс им рече на новинарите во тоа време: „Можевме прилично јасно да и ставиме до знаење на Европа и на остатокот од светот дека Америка не може бесконечно да пишува бланко чекови“.

На европските умови им тежат и протекционистичките импулси на Венс кои би можеле да ги попречат трговските односи на Европа со САД. Сенаторот од Охајо е жесток бранител на американското производство и се залага за царини за увоз.

Во долго интервју за ПОЛИТИКО на Минхенската безбедносна конференција во февруари, Венс, некогашен жесток критичар на Трамп, го претстави својот став зошто Америка не треба да и помогне на Украина.

„Едноставно немаме производствен капацитет за неодредено време да поддржуваме копнена војна во Источна Европа. И мислам дека е обврска на лидерите да го артикулираат ова за нивното население“, рече Венс. „Колку долго се очекува да трае ова? Колку се очекува да чини? И најважно, како всушност треба да го произведеме оружјето неопходно за поддршка на Украинците?“

Во  хотелот „Бајеришер Хоф“ во Минхен, таквиот говор беше осветољубие – годишната Минхенска безбедносна конференција долго време беше шампион на трансатлантската одбранбена и безбедносна соработка, посетена од такви познати личности од надворешната политика на САД како што се покојниот Џон Мекејн и претседателот Џо Бајден, кој силно веруваше во „меѓународен поредок заснован на правила“ и управуваше со трансатлантските односи во децениите по Втората светска војна.

Но, во своето прво појавување на меѓународната конференција на високо ниво во февруари, Венс ја прескокна средбата на претседателот Володимир Зеленски и министерот за надворешни работи Дмитро Кулеба со двопартиска група сенатори на маргините на собирот.

„Не мислев дека ќе научам нешто ново“, изјави тој за ПОЛИТИКО.

Застапниците на Украина во САД се обидоа да го отфрлат аргументот дека Вашингтон му го намалува бланко чекот на Киев. Поголемиот дел од парите наменети за помош на Украина не ги напуштаат САД. Наместо тоа, голем дел оди кај американските одбранбени изведувачи кои го снабдуваат тоа оружје или ги финансираат воените операции на САД.

Надворешната политика на Венс во стилот на Трамп „ Америка на прво место“ се протега и на поопшти критики кон Европа и НАТО. Во говорот пред Сенатот во април, тој ја критикуваше Европа што не троши доволно за одбрана.

„Три години Европејците ни кажуваа дека Владимир Путин е егзистенцијална закана за Европа. И веќе три години тие не реагираа како тоа да е навистина точно“, рече тој, повикувајќи ја особено Германија дека не потрошила два отсто од својот БДП за одбрана – износот на кој членките на НАТО се согласија како заедничка цел.

Венс долго време се залагаше за каузата на американскиот работник и за важноста на производствениот сектор во САД. Очекувајќи тој да се залага за економско свртување навнатре и да се заложи против Кина доколку биде избран за потпретседател, станува  уште една главоболка за Брисел откако се обидува да ги поправи нарушените трговски односи со  Вашингтон.

Истиот европски функционер истакна дека ако билетот Трамп-Венс победи во ноември, новата администрација најверојатно ќе ја поттикне Европа да се приближи до позицијата на Америка во однос на Кина.Досега, ЕУ беше помалку агресивна кон Пекинг отколку САД кога станува збор за трговијата, наметнувајќи помалку тешки тарифи за увоз на кинески електрични возила од САД, на пример.

„Ќе видите многу поагресивен пристап за заштита на домашните производители доколку Трамп освои втор мандат“, изјави Венс  оваа пролет.„Секако мислам дека треба да бидеме многу поагресивни во примената на тарифите за цела низа индустрии“.

За време на неговото претседателствување, Трамп воведе царини за европскиот увоз на челик и алуминиум и вети дека повторно ќе ја заштити американската индустрија доколку биде реизбран во ноември. Поранешниот претседател го истакна досието на Венс во заштитата на американските работници при објавувањето на неговиот избор во понеделникот.

„Џ.Д. имаше многу успешна деловна кариера во технологија и финансии“, рече тој во објавата на Truth Social, „и сега, за време на кампањата, ќе биде силно фокусиран на луѓето за кои толку брилијантно се бореше, американските работници и фармери во Пенсилванија. (Политико),