Инвазивните гасеници ја изедоа лавандата на одгледувачите на југот на Франција

Гасеници предизвикаа милиони загуби на земјоделските култури на француските одгледувачи на лаванда оваа година, според земјоделското здружение кое ја повика владата на помош.

„Десетици и десетици хектари не беа собрани затоа што не вредеше. Немаше ништо друго“, вели Ален Аубанел, шеф на Здружението за парфеми, ароми и лековити растенија PPAM, со седиште во Маноски во јужна Франција.

Земјоделците во некои случаи изгубија 90 отсто од жетвата, изјави тој за ДПА.

„Загубата ја проценуваме на неколку милиони евра“, рече тој. Од Министерството за земјоделство штетите ги оценија како големи.

Виолетовите полиња оваа година се сиво-кафеави 

Се вели дека виновниците се гасеници кои пристигнале во Франција со жешкиот ветер од Северна Африка, а потоа ги изеле стеблата на лавандата и предизвикале сушење на растенијата. Наместо да бидат виолетови, полињата со лаванда, кои се исто така популарни како дестинации за одмор и мотиви со разгледници, ова лето се сиво-кафеави.

Главно се погодени департманите Алпи-де-Горна Прованса, Воклуз и Дром – а особено традиционалните области за одгледување во планините, што значи токму областите каде што земјоделците тешко можат да одгледуваат нешто друго, вели Обанел.

Многу повеќе се погодени планинските обработливи површини поради фактот што таму жетвата почна подоцна. Аубанел проценува дека најмалку 50 проценти од посевите се изгубени од штетната гасеница во планинската област на регионот Дром.