Главчев: Со Мицкоски исто мислиме, дека односите треба да се вратат на ниво од 2017-та

10/07/2024 18:53

 

Техничкиот премиер на Бугарија, Димитар Главчев денеска на влегувањето пред НАТО Самитот проговори и за Северна Македонија. Притоа тој соопшти дека вече разговарал со премиерот на Македонија, Христијан Мицкоски со кого споделиле исто мислење – дека треба да се намалат тензиите и да се нормализираат односите.

„Јас со него разговарав  најмногу, говоревме дека треба да се намали тензијата во реториката. Зад мене е, така да ќе го слушнете и него што ќе каже. Направивме фотографија, ќе ја пуштиме. Говоревме, на исто мислење сме дека треба да се намалат тензиите во реториката, затоа што знаете вообичаено меѓу граѓаните, меѓу народите на две соседни земји нема тензии и политичарите ако не помагаат  да се развиваат односите, не треба да пречат, тоа е моето сфаќање во принцип. Најдобро е да помагаат. Вчера зборувавме дека треба да се нормализираат односите и да се вратат на ниво од 2017-та кога беше потпишан Договорот за добрососедство“, вели Главчев.

Тој додава дека нема ништо поубаво и подобро од добри односи со соседите.

„И двајцата истото го мислиме, но ќе видиме што ќе се случи. Нема ништо подобро од убави и добри односи меѓу соседи, за нас може да се каже и дека сме повеќе од соседи со Северна Македонија. Треба да се развие економијата, како и сите други аспекти“, вели Главчев.

Место фотографијата со Главчев Мицкоски сепак ја објави фотографијата со италијанската премиерка Џорџа Мелони. 

Поврзани содржини

Филков: Потребно е освежување на Комисијата за помилување
Димитров: Се надеваме дека ќе има добра волја за заеднички јазик со македонските историчари
Ако си најде пари надвор од европските, Владата може да гради и „Коридор 11“
Камала Харис им оддаде почит на Македонците во САД, го спомена и Илинденското востание
Шилегов: СДСМ е заробена партија од двајца октроирани „лидери“!
БГНЕС: Урсула во минута ги распрска лагите на Мицкоски
Комисијата на состанок со Сиљановска, не знаеле кого помилуваат
СДСМ: Обединувањето не е можно со празни реторики

Најчитани