Франција ја заплени јахтата на олигархот Игор Сечин додека се обидувала да бега

Запленета е јахта на еден од санкционираните руски олигарси, соопшти во четвртокот францускиот министер за економија во соопштение за медиумите.

„Аморе Веро“, јахта долга 86,5 метри што му припаѓа на извршниот директор на „Роснефт“, Игор Сечин, беше контролирана „неколку часа“ во бродоградилиштето Ла Сиота на францускиот медитерански брег. Сечин беше еден од руските олигарси кои беа мета на списокот со санкции на ЕУ претходно оваа недела.

Бродот пристигна на 3 јануари и требаше да остане во пристаништето до 1 април, но кога француската царина ги започна контролите, бродот „се подготвуваше итно да плови“, се вели во соопштението за печатот. Санкциите на ЕУ повлекуваат замрзнување на имотот, но додека бродот се обидувал да побегне, тој ги прекршил француските царински правила и затоа бил запленет.

Францускиот министер за економија Бруно ле Мер го поздрави потегот, заблагодарувајќи им се на „француските цариници кои ги спроведуваат санкциите на Европската унија против оние блиски до руската моќ“.