Фон дер Лајен и Борел ќе одат во Киев

Претседателката на Европската комисија Урсула фон дер Лајен и шефот за надворешна политика на ЕУ, Жозеп Борел, оваа недела во Киев ќе се сретнат со украинскиот претседател Володимир Зеленски, изјави портпаролот на ЕУ, Ерик Мамер.

Посетата на главниот град на Украина ќе се случи пред сабота, кога Фон дер Лајен треба да присуствува на настан за поддршка на  Украина во Варшава, додаде Мамер. Настанот, заеднички организиран од претседателот на Комисијата и канадскиот премиер Џастин Трудо, ќе собере пари за украинските бегалци.

Во меѓувреме, австрискиот канцелар Карл Нехамер, исто така, ќе го посети Киев подоцна „во следните неколку дена“ по повикот со Зеленски во понеделник навечер. Целта на состанокот ќе биде „да продолжи да и се обезбедува на Украина најдобрата можна хуманитарна помош и политичка поддршка“.

Минатиот месец, тројца премиери на централна Европа – Матеуш Моравјецки од Полска, Петр Фиала од Чешка и Јанша од Словенија – исто така отпатуваа за Киев за да се сретнат со Зеленски и премиерот Денис Шмихал. Во пресрет на таа посета, Зеленски ги покани другите светски лидери да дојдат, пишувајќи на социјалните мрежи дека сака „сите пријатели на Украина да го посетат Киев“.