„Елвис“ му го донесе првиот „Златен глобус“ на Остин Батлер

САД- Новиот крал е крунисан, а ѕвездата на „Елвис“ Остин Батлер ја освои наградата Златен глобус за најдобар актер во филм – драма, синоќа на гала доделувањето во Беверли Хилтон. .

Актерот, кој беше првпат номиниран за Златен глобус, се соочи со силна конкуренција во категоријата, во која беа вклучени и Брендан Фрејзер („Кит“), Хју Џекман („Синот“), Бил Наји („Жив“) и Џереми Поуп ( „Инспекција“).

„Ох, човеку, сите мои зборови ме напуштаат. Јас сум само толку благодарен во моментов. Јас сум во оваа соба полна со мои херои“, започна Батлер пред да го изрази своето восхитување за неговиот колега од „Беше еднаш во Холивуд“ Бред Пит и режисерот Квентин Тарантино.

„Ова му го должам на еден храбар, визионерски режисер кој ми дозволи да ризикувам и секогаш знаев дека ќе бидам поддржан. Те сакам Баз Лурман“, продолжи Батлер. „Ти благодарам што веруваше во мене во тие моменти во кои не верував ни во себе. Толку сум ти благодарен. Исто така, сакам да му се заблагодарам на мојот партнер за танц, најголемиот партнер за танц на кој некогаш можев да се надевам, г. Том Хенкс“.

Батлер, исто така, изрази благодарност до Дензел Вашингтон, со кој глумеше заедно во продукцијата на Бродвеј „The Iceman Cometh“ од 2018 година. Оскаровецот му се јавил на Лурман да го препорача младиот актер за „Елвис“. Тој, исто така, му се заблагодари на своето семејство, вклучувајќи ја и неговата сестра Ешли, која му служеше како придружба на вечерта, неговиот татко и неговата покојна мајка, како и семејството на Елвис Присли, вклучувајќи ја и Лиза Мари Присли, која блескаше со гордост од нивната маса .

„На крај, самиот Елвис Присли, ти си икона и бунтовник. Те сакам многу. Ви благодарам. Ти си запаметен и никогаш нема да те заборавам !“

Батлер глуми како Присли во филмот во режија на Лурман, кој ја наелектризира публиката од неговата светска премиера на Канскиот филмски фестивал минатото лето, каде што доби 12-минутни овации.

Повеќе од една и пол година пред да започне снимањето, актерот целосно се нурнал во светот на Присли. Во тоа време, Батлер ги проучувал сите манири на Присли, на крајот научил да зборува, да пее (тоа е гласот на Батлер во првите изведби на филмот) и да се движи како него.

Наградуваната изведба го означува моментот на пробив за Батлер, кој е најпознат по „Once Upon a Time in Hollywood“, „The Dead Don’t Die“ и „The Carrie Diaries“. Неодамна ја заврши продукцијата на „Дина: Втор дел“. (Варајати)