Џулија Робертс во тоалета со слики од Џорџ Клуни

САД– Џулија Робертс го почести својот долгогодишен пријател и колега, Џорџ Клуни, со тоалета направена по нарачка покриена со слики од актерот.

Робертс овој викенд присуствуваше на доделувањето на почестите на Кенеди Центарот во Вашингтон.

Други почестени беа и композиторот и диригент Тања Леон и бендот U2. Центарот секоја година почестува одредена група луѓе за нивните уметнички влијанија врз американската култура. На годинешната церемонија присуствуваа американскиот претседател Џо Бајден и американскиот потпретседател Камала Харис.

За нејзината церемонијална облека, Робертс (55) и нејзината стилистка Елизабет Стјуарт му наложија на дизајнерот на Москино Џереми Скот да дизајнира прилагодена црна тоалета со врамени слики од Клуни, вклучувајќи една од него и Робертс на црвениот тепих заедно. Стјуарт подоцна сподели слика од тоалетата на Инстаграм со натпис: „#JuliaframedGeorge“.

Други слики на сатенскиот фустан на Москино вклучуваат Клуни како неговиот лик од ЕР, Даг Рос, фотографии од актерот во неговите помлади години и слика на Клуни како ја прифаќа наградата Сесил Б. Демил на Златните глобуси во 2015 година.

Робертс и Клуни се долгогодишни пријатели, а парот првпат глумеше заедно во Единаесетмината на Оушн во 2001 година. По две децении, а сега глумеа во шест заеднички филма, а последен е филмот 2022 година, Ticket to Paradise.

Клуни присуствуваше на наградите во црн смокинг со неговата сопруга Амал Клуни (44), која носеше црвена тоалета на Валентино .