Десет совети за позитивни мисли во време на корона

По прележана зараза од корона, сакам да споделам неколку совети со тебе како во овие времиња со нервози малку да си го подобриш расположението

Оваа 2020-та навистина „оди на нерви”: постојано страшни корона-вести, ограничувања на контактите, страв од зараза или губење на работното место. Нема патувања и излети, нема ресторани и кафулиња, концерти или спортски настани. Со мерките против короната, светот ни стана мал и здодевен. А, сега дојде и ова непријатно годишно време со лошо време и малку светлина и сето тоа може да ни се одрази на расположението.

Иако не сум ни психолог, ни мотивациски тренер, ни тренер за здравје, по прележана инфекција со корона сакам да споделам со вас неколку совети, нешто што ќе ве поттикне или неколку мудрости од „кексите за среќа“ за да си го подобрите расположението.

1. Живеј во моментот!

Нема излез, ситуацијата е таква каква што е. Нема многу корист од тоа постојано да се нервираш или да се плашиш дека ќе се заразиш, дека ќе ја загубиш работата или ќе се осамиш.

Многу често трчаме по далечна цел, следната работа, следната добра понуда, следната можност, следниот адреналински „кик“, следниот партнер и што и да е друго. Притоа, не го гледаме она што веќе го имаме. Како што се вели, патот честопати е всушност целта. Можеби веќе сме посреќни отколку што мислиме. Тоа може да го дознаеме само ако се освестиме.

Линк до целиот текст на Дојче веле тука